Vinna þátttakenda í hópavinnu

AC-Hopavinna-Hugarkort

Nemendur vinna í hópum. Niðurstaðan er sett fram sem hugarkort. Nemendur sem taka þátt í gegnum fjarfundabúnaðinn vinna saman að því að búa til hugarkort í gegnum MindMeister. Þeir sitja hver heima hjá sér en geta allir unnið samtímis við að búa til hugarkortið. Vinnuna við hugarkortið má sjá á litla skjánum.

Þegar þátttakendum á fundi eða námskeiði er skipt niður í hópa til að vinna saman eru margir möguleikar í boði til samvinnu.

Einfaldast er að þátttakendur kveiki á myndavél og hlóðnema og tali saman, en vilji skipuleggjandi fundarins að það komi einhverjar niðurstöður út úr hópavinnunni sem þátttakendur taka með sér annað, t.d. til að kynna fyrir öðrum þátttakendum eða til að vinna úr nánar á einhvern hátt má nota samvinnutól sem eru til í Adobe Connect eða utan

Samvinnutól í Adobe Connect

Whiteboard

  • Allir geta skrifað eða teiknað á n.k. tússtöflu

Notes

  • Með því að smella á fyrisögnina “Pods” á skipanalínunni og velja möguleikann “Notes” má opna textaglugga sem allir þátttakendur á fundinum geta skrifað í

Önnur samvinnutól utan Adobe Connect

Það getur verið gagnlegt að nota önnur verkfæri fyir nemendur að vinna saman í, afrit af vinnunni verður þá til óháð Adobe Connect og er hægt að nálgast síðar óháð fundarherberginu:

Hefðbundin textaskjöl

Google Docs

Allir geta búið sér til ókeypis aðgang að þjónustum Google, þar er m.a. að finna hugbúnað sem svipar til Microsoft Office, en er veflægt

  • Ritvinnsluskjal sem má opna fyrir öllum sem hafa slóð í skjalið (Google Docs) Þeir geta unnið samtímis í skjalinu breytt því og skrifað athugasemdir (comment). Litaður bendill sýnir hvar hver er að skrifa.
  • Sjá kynningu á Google Docs
  • Sjá dæmi

Microsoft Office 365

Allir geta búið sér til ókeypis aðgang að Microsoft Office hugbúnaðinum Word, Excel, Powerpoint o.s.fv. í gegnum OneDrive.com. Háskóli Íslands hefur aukinn aðgang. Þannig geta kennarar og nemendur búið til Word skjöl eða Excel skjöl og gefið öðrum aðgang að skjölunum og unnið samtímis í þeim.

Titanpad

TitanPad

Titanpad.com býður upp á einföld ritvinnsluskjöl sem margir geta skrifað í á sama tíma. Það er fljótlegt að búa til nýtt skjal, og engin þörf fyrir nokkurn að skrá sig inn í kerfið. Texti hvers notenda er merktur með sérstökum lit, og á lista við hlið textans má sjá hvaða notandi hefur hvaða lit. ==> Smelltu hér til að sjá dæmi

Myndræn framsetning

Padlet

Padlet

Hugarkort

Nokkur hugarkortaforrit bjóða uppá að fólk sitji við tölvuna hver á sínum stað og útbúi saman hugarkort.

  • MindMeister er veflægur hugbúnaður til að búa til hugarkort. Það er hægt að nota þjónustuna ókeypis, þá getur maður búið til þrjú hugarkort. Ég er alltaf með þrjú sem ég endurvinn aftur og aftur með ólíkum nemendahópum. Sjá dæmi hér:

  • MindManager er trúlega mest notaða og þróaðasta hugarkortaforritið á markaðnum. Háskóli Íslands er með leyfi fyrir það, þannig að allir starfsmenn og nemendur geta sótt það í UGLU og notað. Með því að skrá sig sem notandi hjá Mindjet.com framleiðanda forritsins má vista hugarkort á vefnum þeirra og vinna í þeim í gegnum vafra eða með forritinu á tölvunni sinni eða í gegnum síma og spjaldtölvur, bæði aleinn eða samtímis með öðrum. Flækjustigið er frekar hátt ef maður ætlar að nota þetta á einum og einum fundi, en gæti verið þess virði ef maður vinnur svona  með sama hóp oft.
  • Leiðbeiningar um gerð hugarkorta má finna hér

Meira um hópavinnu í Adobe Connect