Office forritin

Starfsfólk og nemendur Háskóla Íslands hafa opinn aðgang að Office forritum. Þetta þýðir bæði aðgengi að Office í netttengdum tölvum, án þess að hafa þau uppsett á tölvunni og með uppsetningu Office pakka á tölvunni. Hver og einn hefur 4 notendaleyfi svo hægt sé að setja upp í síma og öðrum snjalltækjum. Þar með er Office leyfið ekki bundið við eitt tæki í senn og hægt er að loka leyfum og opna að vild. Allir hafa aðgengi að 1TB í geymsluplássi á OneDrive (skýjaþjónusta Office). OneDrive auðveldar notendum að nálgast gögnin sín hvar sem er og gerir notendum auðvelt að deila skjölum eða möppum til annarra notenda. Allt gerist þetta á skýi sem gerir það að verkum að skjölin eru alltaf uppfærð, sama í hvaða tæki viðkomandi nálgast þau og þeir sem hafa aðgang geta skoðað og breytt skjölum svo lengi sem þeir eru í netsambandi. Athugið að ef um samstarf er að ræða þá mælum við með því að stofna teymi/hóp í Teams forritinu og nota skráageymsluna þar til þess að deila skjölum og vinna í skjölum innan hópsins. Einnig mælum við með að stofna rásir innan hópa í stað þess að stofna marga hópa. Þetta á við ef ákveðin verkefni eru unnin af fáum aðilum innan hópsins. Það ber þó að taka skýrt fram að þessi skýjaþjónusta fer öll í gegnum Microsoft og eru því gögn notenda geymd hjá þeim en ekki hjá Upplýsingatæknisviði (UTS).

Byrjið að nota Office:

1) Opnið vafra og farið inn á: office.hi.is
2) Innskráningarsíðan birtist og þar eruð þið beðin um netfang og lykilorð. Setjið inn HÍ netfangið ykkar (með @hi.is) og svo sama lykilorð og inn á Uglu:

Teams, Delve, Stream og Forms

 Teams er samvinnuforrit, sem nýtist við hópvinnu eða önnur samskipti kennara og nemenda. Notið Teams til þess að tengjast nemendum og/eða samstarfsfólki, vinnið saman að verkefnum, deilið gögnum og hugmyndum hvar og hvenær sem er. Hægt er að bæta við notendum og búa til mismunandi hópa og rásir til þess að auðvelda samvinnu. Auðvelt að setja upp í snjalltækjum með því að sækja smáforrit sem hentar vel fyrir þá sem vilja fylgjast með á ferð og flugi.

Stream auðveldar miðlun myndskeiða og hægt er að gefa ákveðnum aðilum aðgang og réttindi að myndskeiðum innan HÍ. Örugg leið til þess að deila náms- og kennsluefni þar sem þú ákveður hver hefur réttindi á þinni rás. Auðvelt er að stofna eigin myndskeiðarás, þar sem þú hleður inn efni úr tölvunni eða öðru snjalltæki og deilir með öðrum.
Sú þjónusta sem við höfum aðgengi að með Office getur auðveldað hverskonar samvinnu bæði þeirra sem eru innan kerfisins og utan t.d. að deila/miðla efni og samvinnuskrif. Það besta er að þú getur nálgast skjölin þín í hvaða nettengdu tölvu sem er.

Forms gerir notendum kleift að útbúa spurningalista, kannanir og kosningu um ákveðin mál og sjá niðurstöður án fyrirhafnar á myndrænan hátt. Svörum er safnað í Excel skjal sem svo er hægt að nota til að gera frekari útreikninga. Hér fyrir neðan sést útkoma úr kosningu með forritinu og hér eru leiðbeiningar um notkun forritsins.

 

 

 

 

 

 

 

 

 

 

Delve er leitarvél sem gerir þér kleift að leita að upplýsingum í gegnum allt Office efnið þitt.

Þú þarft ekki að muna titil né staðsetningu og færð einungis upp skjöl sem þú hefur þegar réttindi að. Með Delve getur þú skoðað upplýsingar um samstarfsfólk og breytt eigin upplýsingum. Þegar þú og samstarfsfólk þitt skoðið, breytið og deilið skrám er Delve á sama tíma að safna upplýsingum um vinnubrögð ykkar til þess að aðlaga heimasíðuna að ykkur og því eru upplýsingar settar upp á mismunandi hátt á heimasíðu hvers og eins.

Byrjaðu að nýta þér Office forritin í námi og starfi!

Hafðu samband ef þú vilt benda á nýjungar með notkun Microsoft í kennslu.