Panopto

Upptökur með forritinu Panopto

Panopto er upptökuforrit sem hægt er að nota fyrir upptökur á skjákynningum, fyrirlestrum og kynningum, auk þess sem hægt er að streyma útsendingu með nokkurra sekúndna seinkun. Forritið er einfalt í notkun og hægt er að skoða upptökur í flestum vöfrum og snjalltækjum. Forritið hefur verið sett upp í öllum skólastofum í Stakkahlíð og er táknið fyrir Panopto í grænum lit á skjáborðinu. Sækið forritið í gegnum kerfið sem þið notið við kennsluna. Ef þið notið Moodle þá þurfið þið að bæta við blokk og velja Panopto, ef þið notið Uglu þá veljið þið námskeiðið í Uglu og smellið á flipann Upptökur og veljið Sækja upptökuforrit. Sjá myndskeið hér fyrir neðan.

Panopto Icon Hér fyrir neðan eru myndskeið til þess að auðvelda ykkur fyrstu skrefin:

Panopto forritið sótt af Moodle og Uglu
Upptaka með Panopto
Endurnefna og færa upptökur í Panopto

Að gefa öðrum aðgang að upptöku

Eftir að sett er upp nýtt námskeið þarf að bæta við Panopto blokk

Eftir innskráningu fáið þið skjáinn upp sem þið sjáið á myndinni hér fyrir neðan. Smellið á myndina til að sjá nánari útskýringar.

ATH: Mjög mikilvægt er að huga vel að hljóðinu vegna þess að ef það er ekki í lagi er upptakan ónýt. Mælt er með því að stilla hljóðið þannig að það slái alveg undir rauða litinn á súlunni. Þannig er hljóðstyrkur um það bil 80-85 prósent og síðan er best að prófa og hækka/lækka eftir þörfum.

Eins er mikilvægt að skrá sig ekki út, né slökkva á tölvunni á meðan skilaboðin “Upload progress” eru uppi á skjánum. Þetta ferli er yfirleitt mjög fljótt en getur tekið örfáar mínútur. Ferlið er misjafnt eftir lengd upptöku og álagi á netkerfi skólans og eftir það má útskrá sig. ATH að upptakan birtist ekki strax á námskeiðsvefnum en alltaf samdægurs. Mislangur tími getur liðið þangað til upptökur birtast í Uglu/Moodle. Biðtíminn fer eftir álaginu á kerfið hverju sinni. Allar upptökur eiga þó að birtast sama dag og þær eru gerðar. Það þarf ekki að bíða eftir að upptakan birtist, eingöngu þarf að bíða eftir að “upload” klárist.

F8 = Hefja upptöku               F9 = Pása á/af                        F10 = Stoppa

Ef þú ætlar að horfa á upptöku í Moodle verður þú að gæta þess að vera ekki skráð/ur í Uglu og ef þú ætlar að horfa á upptöku í Uglu verður þú að gæta þess að vera ekki skráð/ur í Moodle. Ef þú ert innskráð/ur á röngum stað færðu meldingu þess efnis að upptakan sé ekki aðgengileg fyrir þig. Ef það gerist þarftu að skrá þig út úr spilaranum og skrá þig inn í rétt kerfi.

Leidbeiningar Panopto

Mælt er með eftirfarandi vefskoðurum; Internet Explorer, Microsoft Edge, Firefox og Chrome. Athugið líka að vera með nýjustu uppfærslu af vefskoðara. Panopto upptökuforritið á Mac tölvum styður ekki beina útsendingu en Mac notendur geta horft á útsendingu án vandræða.

Ef þú lendir í erfiðleikum getur þú sent vefpóst á gustav@hi.is og aslaugbj@hi.is

Save

Save

Save

Save

Save

Leave a Reply

Your email address will not be published. Required fields are marked *