Teams og Zoom

Teams og Zoom – fjarfundakerfi Háskóla Íslands

Teams er samskipta- og samvinnuforrit auk þess að vera hluti af Office365 pakkanum.
Teams er tengt við gagnagrunn háskólans sem þýðir að allir geta fundið starfsmenn
og nemendur innan kerfisins. Þegar þið stofnið nýtt teymi innan forritsins skal heiti þess vera MVS-Nafn. Dæmi: MVS-Menntasmidja. ATH að nota ekki íslenska stafi þegar teymið er stofnað en svo má endurnefna teymið síðar með íslenskum stöfum.

Hér er sýnt hvernig þið stofnið Teams hóp og bætið við meðlimum.

Hér getið þið séð hvernig Teams fjarfundur er stofnaður í Outlook.

Hér er myndskeið sem þið getið deilt með nemendum sem eiga að kynna efni eða halda fyrirlestur.

Zoom hefur verið vinsælt samskipta forrit og geta starfsmenn sent beiðni á help@hi.is til þess að fá fullan aðgang  og geta þá notað alla eiginleika forritsins. Forritið er uppsett í öllum skólastofum en einnig er hægt að sækja það hér. Með leyfinu getið þið haldið fund með 300 þátttakendum.
Eftir að þið hafið sótt forritið og keyrt það upp er mælt með að breyta eftirfarandi stillingum: Personal Meeting ID: notið eigið símanúmer. Dæmi: 354-000-0000 og í
Personal Link: notendanafn ykkar. Dæmi: https://zoom.us/my/notendanafn.

Hér er farið yfir helstu stillingar á Zoom og óþarfi að raka sig eða skella varalit á varirnar því Zoom sér um það líka.
Hér er farið yfir ítarlegar stillingar.
og hér er hægt að skoða myndir af mikilvægum stillingum sem farið var yfir í myndskeiðinu.

Bendið nemendum ykkar á að sækja forritið tímalega og nota heyrnatól með hljóðnema á fundum. Þið eruð nú tilbúin til þess að halda fund og veljið New meeting. Nemendur velja Join og setja inn hlekk eða ID sem þið senduð þeim fyrir fundinn.

Í ítarlegum stillingum undir Record er hægt að velja hvort upptaka geymist á OneDrive (skýjaþjónusta) eða í Documents möppu sem geymd er í tölvunni ykkar. Þetta eru tvær skrár eða hljóð- og myndskrá). Hægt er að skipta nemendum í umræðuhópa með því að búa til nokkur herbergi en það kallast Breakout room. Ef nemendur ætla að vinna áfram eftir fundinn þá er kennara óhætt að velja End meeting > Leave meeting.
Undir More er hægt að setja útsendinguna yfir á Facebook/Youtube/Workplace.
Hægt er að læsa fundi undir More > Lock meeting.

Viðmið varðandi upptökur í kennslustundum frá persónuverndarfulltrúa HÍ

Heimilt er að taka upp kennslustundir ef nemendur sjást ekki og þarf ekki að fá samþykki þeirra ef svo er (en almenn kurteisi að láta þá vita). Ef óhjákvæmilegt er að nemendur muni sjást
á upptöku þarf að fá samþykki. Ein einfaldasta leiðin til að fá slíkt samþykki er að fá það á upptökunni sjálfri. Sjá betur hér.